Director, Animal Husbandry & Veterinary Department chuan nimin 11.3.2020 khan hetiang hian Circular a chhuah a ni :

O.P.Chaudhary, Joint Secretary, Government of India, Ministry of Fisheries, Animal Husbandry and Dairying, Department of Animal Husbandry and Dairying, Krishi Bhavan, New Delhi-110001 chuan Corona virus hri arsa leh artui atanga darh anga media hrang hranga chhuah chu letter no. Q.11/1/2020-NCM.DADF, dated 5th March, 2020 hmangin a hnuaia mi ang hian thuchhuah a siam.

Tunlai Corona virus hri leng velah social media, print leh electronic media hrang hrangah Artui leh Arsa ei atangtea he natna thehdarh leh kai theih angin thu thang a awm tih Department-in a hriatin pawi a ti a. He thu thang dik lo tak hian ar vulhtu leh artui hralh lamah harsatna namenlo tak a thlen a, ar vulhtu mi rethei te te ten an tharchhuah arsa leh artui hralh chungchangah buaina an tawk hi a pawi hle a ni. Hei mai hi ni lovin, ar chaw siam nana hman ber vaimim leh bekang leh damdawi leh vaccine siam lam thlengin a nghawng tel zel bawk a. Hetiang thuthang dik lo hi mipui tan a tha lova, chaw tha - artui leh arsa ei timna chhan tur engmah a awm lo tih kan inhriattir a ni.

He natna leng chungchang hi Department of Animal Husbandry & Veterinary, Government of India chuan a thawhpui World Animal Health Organisation (OIE) te nen tang tlangin ramchhung leh khawvel pum huapin uluk takin a lo zir ve reng a, tun thleng hi chuan ar emaw ran dang atanga inkai report belhchian dawl a awm lova, mihring leh mihring inkaichhawn hi a darhna a ni a. A thu hrimin awm na, khawsik, hritlang, heng - Corona virus emaw, Severe Acute Respiratory Syndrome (SARS), Middle East Respiratory Syndrome (MERS) ang chi reng rengah hian arsa leh artui atanga kai sawi tur a awm lovin, arsa leh artui nena inkaihhnawihna a awm lova, ei hi a him a ni tih kan inhriattir bawk a ni.

Hemi chungchang hi a pawimawh avangin State leh U.T. zawng zawngah inhriattir a, mipui tan Artui leh arsa ei a him a, chaw tha (Protein) awlsam tea mitin tan a mamawh kan hmuh theihna hi, tim hauh lovin kan taksa in he hri a dolet theih nan i ei zawk ang u.