Tukin zing khan Chief Minister Pu Lal Thanhawla hovin a chenna bungalow-ah Mizoram AH & Vety Department tih chakna tur leh a mamawhte sawi ho a ni a. Hetah hian Government of India atangin Pu Rudhra Gangadharan, Secretary, AH & Vety leh Pu Sanjay Booshreddy, Jt.Secretary, AH &Vety te an tel.

Meeting-ah hian Mizoram in Project a neihte Pu Rudhra Gangadharan hnenah hian an thehlut a. Chung zingah chuan Ran hri khuahkhirhna-Animal Disease Control na tura sorkar laipuiin sum la pek tur ala hmabak rawn pek tlingtlak chungchangte, Sial (Mithun) vulhna tur project atana sum mamawh tur ruahman cheng vaibelchhe 4 te, Kel leh Beram vulhna tur project chungchangte, Meat Processing Plant and Meat Marketing Project atana sum 5 Crore ruahman chungchangah te an thehlut a ni. Heng project thehluh te hi sorkar laipuiin thutawp a rawn la siam dawn a ni.

Meeting-ah hian Pu N.K.Chakma, Minister of State for AH&Vety, Pu Van Hela Pachuau, Chief Secretary, Pu Lalram Thanga, Principal Secretary to Chief Minister leh Pu T.Sangkunga, Secretary, AH&Vety te an tel bawk a ni.