Nimin (1st May, 2012) chawhnu dar 1:00 khan Nehru Yuva Kendra (NYK), Lunglei bultum in Youth Initiative for peace & Development thupui a hmang in Youth Club hrang hrang ten interaction - cum - concert an nei a, he hun ah hian Pu Malsawmsanga, DIPRO, Lunglei chu Chief Guest niin Anna Mason, Alice Blackwell leh Phillipa Birminghma University a Doctor zirlai te chu khual zahawm ah ruat an ni.

Programme hi Pi Mercy Sellate, Youth Co-Ordinator, NYK in a kaihruai a, Khuallian leh khual zahawm te hnen atangin remna leh muanna tel lova hmasawnna a awm theih loh thu leh thalaite mawhphurhna te ngaihthlak hmasak a nih hnu in concert hi tan a ni.

Concert ah hian malzai, lam leh hnam lam hmuhnawm tak tak te entir a ni a, he concert a tel thlalai te hnen ah Dr. Lalramzauva, Superintendent, Christian Hospital Serkawn, chuan ‘Life Skill & Mental Health’ tih thupui hmang in zirtirna bengvar thlak tak a pe bawk.