No106/2021-2022

Dated Champhai, the 12th April, 2021: A.H & Vety. Department, Undivided Champhai District chuan vawiin khan Socio-Economic Development Policy (SEDP) kaltlangin Broiler Farming beneficiaries mi 18, Champhai Town leh Khawbung RD Block huamchhung a mite tan tanpuina second installment a sem a, Arte 200 theuh bakah Rs 29,800/- (chaw man tur, damdawi man tur leh transportation) pek chhuah a ni. SEDP kaltlanga Ar vulh tanpuina hi Dr. B.Zonghinga, DVO Champhai leh AH&Vety. Department thawktu ten an hlan a ni.

Undivided Champhai District hnuaiah hian Broiler Farming beneficiaries 37 an awm meka, heng mite hnenah hian first installment kaltlangin Rs 64,000/- (In sakna tur, equipment leina tur leh a dangte) pek tawh a ni a. April Ni 5, 2021 khan Khawzawl District leh Saitual District Ngopa tlangdunga beneficiaries 19 te hnenah second installment hi sem chhuah a ni.

Heng bakah hian Rainbow Rooster Farming beneficiaries 6 awm mek bawkin, heng mite hnenah hian first installment kaltlangin Rs 47,000/- (In sakna tur, equipment leina tur leh a dangte) pek niin, March Ni 12, 2021 khan second installment kaltlangin Arte 200 theuh bakah Rs 40,300/- (chaw man tur, damdawi man tur leh transportation) pek chhuah a ni a. Third installment kaltlangin Arte 200, a chaw man tur leh damdawi man turte pek leh tur a ni ang.