No.7298/2020-2021
Animal Husbandry & Veterinary Minister Dr. K. Beichhua chuan vawiin tlai khan Siaha Meisatla-a Cattle Breeding Farm cheithat a hawng.
Dr.K. Beichhua chuan AH&Vety Department chu Siaha-ah Department hlun tak a ni tih sawiin, Aizawl, Lunglei leh Chhimtuipui District a nih laiin Siaha Vety Farm te pawh changtlung tak a ni thin, mahse chhan hrang hrang avangin rauhsan tep a ni tawh a ti a. Sorkarna an chan atangin theihtawp chhuahin a cheithat hna thawh leh tawh a ni, a ti.
Dr.K. Beichhua chuan sorkar hna in mi zawng zawng a daih loh avangin Aizawl lamah chuan thalai ten ranvulh an uar chho tawh hle tih a sawi a, eizawnna tlak leh hausakpui tham a ni tih sawiin, Siaha thalaite pawh mahni nu leh pate kuta dah mai lovin ke pen tan turin a sawm hlawm.
Dr.K. Beichhua chuan kum 2013, kum 2016 leh kum 2018 ah vawk natna hri, PRRS a len avangin tun thlengin Mizoram pawn atanga ran lakluh khap an ni tih sawiin, sawiselna nasa taka karah hetianga an kal avang te leh Pathian hruaina zarah PRRS outbreak a la awm lo a ni, a ti. Ran lakluh khap kawngah Mizoram mipui chu department venpuitu ni zel turin a sawm nghal bawk.
Cattle Breeding Farm, Siaha-ah hian tunah Bawng 26, Ar 200 vel a awm mek.
Vawiina hun hman hi Addl. Director Dr. H. Laltlanmawia'n a kaihruai a, District Veterinary Officer Dr.K. Sahlu Khaila in lawmthu sawinain, hun tihtawp a ni.
Attachment
- Loading attachment...
