No.7297/2020-2021
Vawiin khan DIC, Siaha buatsaih Migrant Workers Training Closing Funtion hman a ni a. He programme hi Pu Lalrokhawma, General Manager, DIC Siaha chuan kaihruaiin, Pu B. Lalchhawntluanga, Additional DC chuan Khuallian niin a hmanpui a ni.


Master Trainer, EDS, Mark V. Vanlalrema chuan training report a pêk hnuah Khuallian chuan trainees-te hnênah fuihna thu ṭha tak tak, amah ngei pawhin a lo tawn tawhte sawiin, taimakna leh eng hna pawh thawh hreh lo tan chuan intunnunna khawp hna thawh tur a awm reng thu a tarlang. Thlai chin, ranvulh leh kawng hrang hrangah thawh theih a tamziate sawiin; trainees-te a fuih hlawm a ni.


 Khuallian thusawi zawhah hian Govt. Champhai College-a Asst. Prof. Ramnundanga, Master Trainer, EDS chuan trainees-te tâna hma lâk dân tûr hrang hrangte leh entrepreneurship chungchangte sawiin trainees-te fuihna thu an sawi bawk a. Pi Galilee, Asst. Project Officer, DRDA chuan Khuallian thusawi rawn chhunzawmin trainees-te tan an office atanga ruahmanna an kalpui mêk chungchangte a sawifiah bawk.
Chairman, Pu Lalrokhawma chuan hlawh awm miah lo pawhin hnathawh hrim hrim hian chawpchilha hlimna min thlen theih dante, hmaia thlan tui luang zawih zawih khawpa hnathawk mi chuan BP sang leh zunthlum-te hi an vei ngai lova, thawhrimna hi bawhchhiatna avanga Pathian ânchhia anga an sawi ṭhin hi ânṭha a lo nih zawkziate sawiin taihmâk leh kut hnathawh uar tûrin trainees-te a fuih bawk. 


Khuallianin trainees-te hnênah certificate a sem nghal zawhah Chairman chuan Training Programme chu an khâr ta a ni.

Attachment

  • Loading attachment...