4568/2025-2026

 

Dated Aizawl the 23rd February, 2026 : Vawiin chawhma khan Animal Husbandry & Veterinary (AH&Vety) Department Minister Pu C. Lalsawivunga chuan African Swine Fever (ASF) avanga mahni ran vulhlai suattute hnena zangnadawmna pek chhuahna hun ‘Distribution & Launching of ASF Compensation’ chu MINECO-a a Office Chamber-ah a hmanpui.

 

AH&Vety Minister Pu C. Lalsawivunga chuan March ni 21, 2021-a Lungsen, Lunglei District-a ASF hmuhchhuah a nih atanga vawiin ni thleng hian kan ram economy sawi nghing dawt khawpin ASF avangin kum tin vawk thi leh suat a awm thin thu a sawi a. India Sawrkar laipui thupek angin vawk suatte chauh hi sawrkar laipui bituk zat leh dan dinglai angin zangnadawmna 50% Centrally Sponsored Scheme (CSS) leh State Matching Share (SMS) hmanga pek theih a nih thu sawiin, kum 2022-23 leh 2023-24 chhung khan zangnadawmna atana kan sum mamawh 25% (CSS & SMS) chauh kan dawn avangin zangnadawmna dawngtute hnenah 25% pek a ni, a ti a. 

 

Minister chuan ranvulhtute hlohna a nasat avangin kum 2024 khan ASF chu Mizoram Sawrkarin State Disaster-ah puangin hemi atan hian ran thi (suat tel lovin) ralna, ran thi pakhat zelah Rs 4000, ralna dawngtu pakhat zelah vawk 6 (paruk) chin huamin Mizoram chhungah ralna sum sem chhuah vek tawh a nih thu a sawi a. Kum 2025 chhunga sum mamawhte chu 2026-27 Action Plan-ah dil mek a nih thu sawiin, 100% hmuh ngei theih nan chak taka bawhzui mek a nih thu a sawi bawk.

 

Kum 2024 chhunga vawk suatte zangnadawmna hi a vaiin cheng nuai 1559.34 niin, Centrally Sponsored Schemes (CSS) leh State Matching Share (SMS) kaltlangin Central leh State Sawrkar tangkawpa semchhuah tur a ni a. Zangnadawmna sum hi a semna tur hmun District Officer-te hnen thleng vek tawhin, vawiin February ni 23, 2026 hian Cheque emaw Direct Beneficiary Transfer hmangin emaw zangnadawmna dawngtute hnenah pek chhuah tan a ni.

 

African Swine Fever (ASF) avanga ran suatte Compensation Rate chu hetiang hian siam a ni:

Kg 15 hnuai lam      : Rs 2,200

Kg 15-40 inkar        : Rs 5,800

Kg 40-70 inkar        : Rs 8,400

Kg 70-100 inkar      : Rs 12,000

Kg 100 chunglam   : Rs 15,000

 

 

District tina African Swine Fever (ASF) avanga ran suatte Compensation pek chhuah dan tur 


Sl No

District

No of Families

No of Animals

Fund Required

Amount Paid to Beneficiary

1

Aizawl

                      1,302 

                10,926 

10,64,14,800.00

6,77,20,956.00

2

Lunglei

                      611 

                  3,287 

3,29,54,600.00

2,09,75,603.00

3

Siaha

                        72 

                     134 

13,83,400.00

8,80,534.00

4

Champhai

                        36 

                     101 

9,60,800.00

6,11,549.00

5

Kolasib

                      163 

                     458 

42,91,800.00

27,31,731.00

6

Serchhip

                      2,382 

                  7,119 

6,08,71,000.00

3,87,44,392.00

7

Lawngtlai

                          4 

                      5 

53,800.00

34,244.00

8

Mamit

                      123 

                  1,144 

1,07,14,400.00

68,19,716.00

9

Saitual

                      100 

                     528 

85,91,200.00

54,68,299.00

10

Khawzawl

                      396 

                  1,528 

52,57,600.00

33,46,462.00

11

Hnahthial

                      247 

                     949 

1,35,12,200.00

86,00,515.00

TOTAL

 

                      5,436 

                26,179 

24,50,05,600.00

15,59,34,001.00

Attachment

  • Loading attachment...