4567/2025-2026

Lunglei, 2026 Ramtuk thla ni 21: Lunglei District Senior Chief Medical Officer Dr Lalrinthangi chuan MUHCS 2.0-a inziah luh chungchangah February ni 17, 2026 khan a hnuaia mi ang hian Lunglei District mipuite hnena hriattirna a chhuah.

Mizoram Universal Health Care Scheme kum hnihna, MUHCS 2.0 (1st April 2026 — 31st March 2027) atana mipui nawlpui man chawia inziak lut turte (General Beneficiaries) tan February ni 16, 2026 aṭangin online enrolment hawn ṭan niin, muhcs.mizoram.gov.in-ah online enrolment hi tih theih a ni. Inziah luh man hi duhthlan tur chi thum (3) siam niin ₹2,500/- man, ₹5,000/- man leh ₹10,000/- man duhthlan theih a ni.

MUHCS 2.0 enrolment hi online-a kalpui tur niin, internet connectivity ṭhat lohna hmun thlan bikah offline enrolment hi March ni 1, 2026 aṭanga kalpui tur a ni bawk ang.

MUHCS 2.0 enrolment (Online & Offline) hi April ni 15, 2026 thleng hawn tur a ni a. Offline enrolment bik hi Health Worker-te'n an buaipui ang. Mipui nawlpui man chawia inziah luhnaah hian Sawrkar hna thawk, Civil Pensioners leh AB PM-JAY (Golden Card) hmang thei chhungkaw tan a hrana inziah luh ve a ngai lo a ni.

Enrolment chungchanga harsatna nei leh zawh fiah duh neite tan chuan he'ng Phone Number tar lanah hian zawh fiah theih reng a ni e: 8974218515 / 8258835817 / 9615874228 / 8014647392.