Vawiin khan Pu Nihar Kanti Chakma, Minister of A.H & Vety Department chuan Selesih a Vawkpa Chi sawngbawlna tur Laboratory sak mek a tlawh a. Chumi rual chuan Mualpuia Slaugter House sak mek pawh a tlawh nghal bawk.

A.H & Vety Department hian RKVY hnuaiah Vawk kah raina tur Laboratory leh hmanraw hrang hrang atan Cheng nuai zanga sengin hma ala mek a. Laboratory pui ber tur chu Selesih ah hungin Vawk tha chi foreign atangin a chaw lut ang a; chung vawk chi tha te hmang chuan Zoram puma Vawkte hi tuna kan vulh mek aia chi tha zawkin thlak tum a ni. Selesih bakah hian District panga dangah Vawk chi sawngbawlna tur hmun hi buatsaih a ni dawn bawk a ni. Laboratory sak zawk anih huna Vawk chi tha te anihna tur tur ang taka sawngbawl anih theih nan Vety Doctor pahnih pawh France ah training tur in an tir dawn a ni.

Mualpuia satalhna tur hi Satalh Association ten en pawh in remna nei thlapa ruahman a ni a. Heta tana khawl hman tur USA siam pawh ahmun ah hian a thleng vek tawh a. Amaherawhchu, Power & Eletricity Department lamin an hna an la zawh loh avangin khawl te hi bun theih a la ni lova. Hemmi chungchang ah hian Engineer-in-chief Pu Thangliana chuan September thla chhungin electricity hi kan install vek ang a ti. Slaughter House hi tum ang a sak zawk theih anih chuan December thla tirah Chief Minister hawntir tum a ni.