Vawin chawhma dar 11:00 khan Aibawk BNRGSK Hall-ah Aizawl chhimlam pual in 'Kuthnathawktute Ni 2017' hman a ni. He hunah hian Parliamentary for Secretary Finance, Planning, etc. Pu KS Thanga chu khuallian niin a hmanpui a. Hun hi Pu Lalmuanpuia, BDO Aibawk RD Block chuan a kaihruai a ni.

Khuallian chuan Mizoram Sorkar-in NLUP atan 1,500 crore chuang a sen ral tawh thu tarlangin, NLUP chu sekibuhchhuak ni lovin, hreipui khuaitu thei, tha a ngai a ni, a ti a. Kuthnathawktute chu theitawp a tang zel turin kuthnathawktu kalkhawmte chu chah a ni.

Vawiin hunah hian Rev. Dr. K. Thanzauva, NLUP Apex Board Member chuan powerpoint prasentation hmangin kalkhawmte chu kuthnathawh chungchang a zirtirna a nei a. Sorkar laipuiin State min tanpui dan tidanglam in Plan leh Non-Plan awm hran lova sum min rawn pek tawh thu leh, chumi avang chuan a hmang thiam state apiang an hausak a, a thiamlo an retheih mai tur thu a tarlang a. Tanpuina hi central sorkarin state a pek kumkhua dawn loh avangin leh central leh state sorkar intumsem dan tur 90:10 chu a nih reng loh theih avangin Mizote kan thanharh a, hmasawnna kawng ah a rualin ke kan pen ve a tul a ni, a ti.

Aibawk a Kuthnathawktute Ni hmanna hunah hian kuthnathawhtu hlawhtling mi 8 hnen atangin thusawi tawi ngaihthlak bawk a ni.