All India Civil Services Badminton Tournament 2016 – 2017 Mizoram in a thlen tur thlirhona hun vawiin khan Chief Secretary Pu Lalmalsawma hovin Organising Committee te Chief Secretary Conference Room, New Secretariat Complex ah an thukhawm.

Meeting hian AICS Badminton Tournament neih hun atan 14 – 18 February, 2017 a ruat a. Tournament hi R. Dengthuama Indoor Stadium, Mualpuia neih nise an ti a. Hemi atana Budget tul ang te thlir hovin NEC ah sum dil vat nise an ti a. Tournament thleng tur hian Sub Committee tinte chu a hma lama tih tur theuhte in ruahman a a tul anga phungbawm lo sawm turin thu an ti tlu a ni.

AICS Badminton Tournament Organising Committee ah hian Working Chairman ah Pu HL Rochungnunga, Secretary, SYS a ni a. Organising Secretary ah Pu Zothanmawia, Director, SYS chu ruat a ni bawk a ni.