Kolasib District chhunga HIV/AIDS natna a darh zel loh nana hmalak dan tur leh thawhho dan tur District AIDS Prevention & Control Unit (DAPCU) Kolasib District buatsaihin nimin khan D.C. Conference Hall-ah nghaihtuah ho a ni.
He hunah hian District AIDS Prevention and Control Committee member ruat tharte chuan natna hlauhawm AIDS Kolasib District chhunga tireh tura tan lak dan tur tul an hriatte chhawp chhuakin District Action Plan an duang nghal a. HIV/AIDS chungchanga mite a tul apiang hrilh hretu turte hnena training uar taka pek nise, tleirawlte hnenah AIDS leh a kaihhnawih thilte uar lehzuala zirtirna pek nise, an ti bawk.
He Meeting hi Dr. Zaihmingthanga, CMO chuan a kaihruai a. Thuhma sawiin Kolasib District chu Aizawl leh Champhai tih loh ah chuan HIV/AIDS hluarna, tehna a Category B-a a awm avanga tan lak ngai em em a ni, a ti a. Health lama thawktute bakah mipui leh tlawmngai pawlte kan tan ho a tul a ni a ti. Central sorkar-in National Aids Control Programme thupuia a puan HIV/AIDS natna 2012 a umbo chu NRHM leh project dang dang hmanga chak taka kalpui a tul thu pawh a sawi a ni. Dr. Lalhlimpuia, Nodal Officer, DAPCU chuan Mizoram AIDS hluarna district pathum Aizawl, Champhai leh Kolasib-ah te DAPCU chu din a nih thu a sawi a. He natna hian kan khawtlang nun min sawi nasat avangin tuna a la vei ve lo tleirawl kum la naupang zawkte chu an nat hma a counselling pek uar tul a tih thu a sawi a ni.
Health Department a thawk mithiam ten DAPCU hnathawh dan te, HIV/AIDS vei enkawl dan an harsatna tawhte leh NRHM, AMRO hnathawh dante he hunah hian an sawi bawk a ni.
Kolasib a Integrated Counselling and Testing Centre a thisen test tawh 8281 zingah HIV Posivite 131 hmuh a ni a, mipa HIV+ 70 hmuh a ni a, hmeichhia 48 HIV+ hmuh an niin raipuar HIV+ 13 an ni. Kolasib a ICTC hi kum 2002 khan din a ni.
He Meeting hi Dr. Zaihmingthanga, CMO chuan a kaihruai a. Thuhma sawiin Kolasib District chu Aizawl leh Champhai tih loh ah chuan HIV/AIDS hluarna, tehna a Category B-a a awm avanga tan lak ngai em em a ni, a ti a. Health lama thawktute bakah mipui leh tlawmngai pawlte kan tan ho a tul a ni a ti. Central sorkar-in National Aids Control Programme thupuia a puan HIV/AIDS natna 2012 a umbo chu NRHM leh project dang dang hmanga chak taka kalpui a tul thu pawh a sawi a ni. Dr. Lalhlimpuia, Nodal Officer, DAPCU chuan Mizoram AIDS hluarna district pathum Aizawl, Champhai leh Kolasib-ah te DAPCU chu din a nih thu a sawi a. He natna hian kan khawtlang nun min sawi nasat avangin tuna a la vei ve lo tleirawl kum la naupang zawkte chu an nat hma a counselling pek uar tul a tih thu a sawi a ni.
Health Department a thawk mithiam ten DAPCU hnathawh dan te, HIV/AIDS vei enkawl dan an harsatna tawhte leh NRHM, AMRO hnathawh dante he hunah hian an sawi bawk a ni.
Kolasib a Integrated Counselling and Testing Centre a thisen test tawh 8281 zingah HIV Posivite 131 hmuh a ni a, mipa HIV+ 70 hmuh a ni a, hmeichhia 48 HIV+ hmuh an niin raipuar HIV+ 13 an ni. Kolasib a ICTC hi kum 2002 khan din a ni.
