Pu Lal Thanzara, I & PR Minister leh President MFA nibawk chuan tukin khan Rajiv Gandhi Stadium, Mualpui-ah All India Football Federation ‘D’ Licence Coach atana Course tanna a hmanpui.

Pu Lal Thanzara chuan Football hmasawn tur chuan Coach kan neih that a ngai a, tuna training hi football atan chuan rahbi pawimawh tak a ni a ti. Mizoram sorkar chuan infiammite tan insfrastructure tha tak tak a buatsaih a, hemi a zarah hian India ram mai nilovin khawvelah pawh Mizo Footballer te hian hriat an hlawh tawh a ni, a ti. MFA chuan hetiang Coaching hi a tam thei ang ber District dangah pawh neih a tum thu a sawi bawk.

Pu Lalnghinglova Hmar, Honorary Secretary, MFA in inkhawm hi a kaihruai a. He Coaching ah hian District hrang hrang atanga mi 30 thlanten April 25 - 30 chhung hian training an nei ang a, Pu Lalruatliana Sailo, Instructor, ‘D’ Licence Coach in training hi a pe dawn a ni.