Air Marshall S.Varthaman, Air Officer Commanding-in-Chief, Eastern Air Command chuan tukin khan Chief Minister Pu Lal Thanhawla chu a chenna Bungalow ah hmuin thil tam tak an sawi dun.

Chief Minister leh Air Marshall te inkawmna ah hian Lunglei bul, Zopuitlanga Radar dah tur chungchangte chipchiar takin an sawi dun a. Lengpui Airport runway sira Jet Fighter 4 dahna tur Enclave siam dan tur chungchangte an sawi bawk a. Mizoram zirna schoola NCC Air Wing neih tawh chungchangah, trainer mamawh huna a rawn tirh theih tur thu Chief Minister hi a hrilh a. Mizo thalaiten Air Force ah tam zawk an luh theih nan a tul angte lo ngaihtuah a tum thu a sawi bawk a ni.

Chief Minister hian thilpek a hlan bawk a ni. Air Marshall hi a hnuaia officer engemawzat in an rawn tawiawm a.

Chief Minister hi a nupui Pi Lal Riliani bakah, Wing Comd(Rtd) Lalzawma, Principal Consultant, Civil Aviation leh Pu Lalram Thanga, Principal Secretary to Chief Minister ten an tawiawm bawk a ni.