Vawiin chawhma dar 10 : 00 khan M.T.P. Hall New Colony Saiha-ah 28th Assam Rifles leh Saiha District Rifles Association (SDRA) te huaihawtin Air Rifle Shooting Competition chu neih a ni.

He Competition hi Pu N.Solomon Beihlotha, Vice President, SDRA chuan a kaihruaia, Sawihawnna hun Pu K.Lalchhanhima, General Secretary, SDRA in a neih hnu ah he Competition neihna-a Khuallian Pu S.Hiato,Minister i/c P.H.E. etc chuan thu sawiin Mizoram sawrkar chuan thalaite infiamna lama tih hmasawn hi a thupui ber ani, tiin tun dinhmunah pawh “Catch Them Young” policy hmangin Mizoram thalaite chu infiamna lamah chawikan a tum a ni, ati a. Mizoram sawrkar chuan Sports Item chi hrang hrangah nasa takin hma a la mek a, a bik takin India ram Club hrang hrangah Mizo Player tha tak takte an awm tawh thu a sawi bawk. Kan thalaite Drugs chi hrang hrang in a tihbuai mek lai hian heng ruihhlo chi hrang hrang lak atanga chhanchhuah theihna tha ber chu infiamna hi a ni tiin a bik takin Mizo te hi chu Silai kah lamah phei chuan zir chawp pawh ngai lova tet te atanga thiamsa leh kan hnam nun leh Culture a bet tlat anih avangin silai kah lamah hian talent kan nei tha em em a ni a ti bawk.

He Competition neihna-a Khualzahawm Pu K.H.Beihlo, E.M. i/c Forest, M.A.D.C. pawhin thu sawiin kan thei leh huan thlaite lo eichhetu rannung hrang hrang te lo suat thin tu Sazu leh Sava te kan suat zawh vek avangin kan thei leh huan thlai te a him lo a ni a ti a, he competition a kalkhawm te hnenah Silai chu heng rannung chi hrang hrangte tihhlum nana hmang mai lova inel nana hmanga intihsiakna chi hrang hrang-ah pawh ram hming tithatu leh District tana mi chhuanawm nih tum theuh turin a chah bawk.

He Competition ah hian silai kap thiam mi 66 ten inelna an nei a, Pu J.Beichhualai, Asst. Secretary, S.D.R.A. chuan lawmthu sawina a neih hnuah Silai inkahsiakna hi tan nghal a ni. He Silai inkahsiaka lawmman te hi naktuk Dt 15.8.2013. India Independence Day- ni hian sem tur a ni.

Attachment

  • Loading attachment...