Association of Indian Universities (AIU) chuan December ni 17, 2011-a General Body Meeting a neih a, kum 2012-13 chhunga an pawl President thar ni turin Dr. S.N. Puri, Vice-Chancellor, Central Agricultural University (CAU), Imphal an thlang.

Dr. S.N.Puri hi CAU-ah kum 2004 atangin Vice-Chancellor nihna a chelh tawh a, he University hian hmarchhak state 6 a huam a ni. Dr. Puri kaihhruaina hnuaiah CAU chu nasa takin hmasawnin tunah hian rampum Agricultural University te zingah a tha ber pahnihna dinhmun a hauh mek nghe nghe a ni. AIU President nihna hi kumin July ni 1, 2012 atangin a chelh tan dawn a ni.