Vawiin chhun dar 12 khan Mizoram State Level Chapchar Kut Committee an Chairman Pu P.C. Zoram Sangliana, Minister Art & Culture office ah an thukhawm.

Kum 2012 Chapchar Kut chu AR Ground ah March ni 2 hian neih ni se, Kut Pa atan Pu Lal Thanhawla, Chief Minister sawm nise, Programme committee ten rawtna hrang hrang an neihte chu theihtawp chhuah a tih hlawhtlin ngei nise tih committee chuan an rel.

AR Ground Gallaries siam peih anih theih chuan ei tur tui hnai buatsaih nise, stall siam dan turte enfel in mimal, eitur leh intur buatsaihtu (caterer) ten hemi ni hian an thil siamte zawrh phal sak nise, ei leh in tur zuar duhte chuan Director Art & Culture hnenah dilna thehlutin Kut Committee in an dawr luahman siam ang pe in, thil zuar turte chuan an zuar thei dawn a ni.

Mipui tan harsatna sukiang turin Ground compound chhungah Kut Pa leh Kut thlengtupa tih loh chuan motor dah loh nise, VVIPs/VIPs te motor park na tur chu Traffic Police ten lo ngaihtuah sak se tih an rel bawk.

Chapchar Kut 2012 Committee hrang hrang ten an tih tur leh mamawhte January thla chhungin rel fel se, Director, Art & Culture ah thehlutin, State Level Committee ah pharh theih turin buatsaih nise tih an rel bawk.