Ramchhung hmun dang te rualin India Independence Day champhaphak 63 na chu vawiin khan Mizoram pumah muanawm leh tluang taka hman ve a ni a, a lawmna pui ber Aizawl Sipai Lammual ah tukin zing dar 7:30 khan Mizoram Chief Minister Pu Lal Thanhawla chuan hnam puanzar pawtpharhin parade contingent 29 te puanzar chibai buk a chhanglet a ni.
Minute 39 chhung thuchah a sawi naah Chief Minister chuan ram tana nun hlantute chungah zahna hlanin lawmthu a sawi a, ram zalenna sualtu Mizo, history-in a chhinchhiah lohte chungah pawh lawmthu a sawi lang bawk. Mizoram sorkar Department hrang hrang-in hmasawnna an neih dan tlangpui leh an hmachhawp te a tarlang a. Mizoram sorkar hmachhawp lian ber NLUP thiltum chu sum leh pai intodelhna tur te, ram leilung humhalh te, sik leh sa mumal neihna tura thing leh mau humhalh te, hmasawnna leh rethei dawmchhuah kawngahte hun inlumlet thlentir tum a ni a ti a. Project-a pawmsak tu leh hemi atana cheng vaibelchhia 2873.13 lai phalsak tu Sorkar Laipui chungah lawmthu a sawi a, NLUP kalpui dan turah sum riral mai tur ven nan khawtlang huapa sum enkawl dan ruahman a nih tur thu a tarlang a, veng, khaw bil leh District huapa ram leilung zirchianna hna hautak zet a keng tel dawn a ni, a ti. NLUP chu September thla chawhnu lama hman tan tum a nih thu a puang bawk.
Vawiin a Chief Minister-in Department hrang hrang hmachhawp tlangpui a tarlan zingah te chuan lo neih leh a kaihhnawih thil dangte chu sorkar dah pawimawh hmasak a nih thu te; kut hnathawktu te tharchhuah man man zawka hralh chhuahna dap pui te; Horticulture, Sericulture leh AH & Vety hmalakna te chu tlangram lo neih thlakthleng nan a tangkai dan tur te; thingtlang leh khawpui mi te tan thilsiamna hrang hrang tihhmasawn dan tur te leh Agriculture leh Horticulture te nena tangkawpa hma an lak theih dan tur te a tel a. Mizoram zirna hmasawnna tura Education Reforms Commission te report peihfel na ah Pu Lal Thanhawla chuan lawmthu sawiin Ministry of Human Resource-in tehna a siam Education Department Index ah pawh hmarchhaka a titha ber nihna Mizoramin a hauh thei a ni a ti a. State pumah SSA, RMSA leh Mid day Meal te chu chak taka kalpui chhunzawm zel a ni ang a ti bawk. JNNURM hnuaia Aizawl khawpui bikah chenna in neilo chhungkua 1096 leh District khawpui hrang hrang ah chhungkaw 1950 te tan insak sak tura ruahman mek a nih thu leh infiammi te nghahhlelh tak Lammual-a hnim siamchawp phah leh Thenzawl Hockey Ground a Astroturf ruahman chu tih thuai a ni dawn a ti a. State leh rampum huapa infiammi titha te hnenah Chief Minister chuan lawmthu a sawi a ni. Sipai lamah Mizo lut kan tlem tawh tiin Chief Minister chuan Chhingchhip-a Sainik School din nan central sorkar atangin sum pawh cheng vaibelchhe 83 chuang hmuh a nih tawh thu a tarlang bawk.
Pu Lal Thanhawla chuan Health Care Scheme changtlung zawk RSBY nena tangkawp kalpui thuai a nih tur thu te, thil man sang khuahkhrih leh ei leh bar kawngah te consumer te dikna humhalh tlat sorkarin a tum dan te, thu buai rem kawnga Judiciary tihchangtlun zel tur thu te leh inkalpawhna tihchangtlunna tur pakhat lui leh relkawng chungchanga sorkar tan lak mek dan te a sawi lang a. Kawlphetha lama sorkar hmalak mekna te tarlangin Pu Lal Thanhawla chuan Tuirial Hydel Project chu thawh chhunzawm nan cheng vaibelchhe 100 Mizoram-in a dawn tawh thu a sawi lang a, Serlui B Mini Hydel Project atan sum cheng vaibelchhia 119 sen a nih tawh thu sawiin September thlaa commission theih beisei a nih thu a tarlang bawk. Rajiv Gandhi Grameen Vidyutikaran Yojana (RGGVY) hnuaia thingtlang khua electric eng la nei lo tih enna tur leh mirethei chhungkua te tana a thlawna eng pek kawnga hmalak mek na te chu kumin chhunga zawh hman beisei a nih thu a tarlang bawk. Mipui mamawh hmasa tui thianghlim in tur hnianghnar taka pek nana ruahmanna thahnem tak kalpui mek a nih thu leh National Rural Drinking Water Programme hnuaia kumin chhunga thingtlang khaw 124 tuam tum a nih thu a sawi tel bawk. Hlemhletna leh eirukna chu ngaihzam a nih loh tur thu sawiin RTI hmang tangkai lehzual turin mipuite chu a chah bawk. Chief Minister chuan State ralmuanna kawnga tlawmngai pawl leh khawtlang hruaitute thawhpuinaah leh damdawi hmansual leh tawlhrukte, zu leh a kaihhnawih thil dangte dona kawngah tlawmngai pawl leh kohhran te chungah lawmthu a sawi bawk a ni.
Vawiina Independence Day lawmnaah hian hnathawh that vanga chawimawina sang dawngtu SI Laldawngliana, Aizawl DEF leh ASI Israela, Aizawl DEF te hnenah khuallian hian Governor's Gold Medal, 2010 a hlan a, zirtirtu thawk tha chawimawina - State Award to Meritorious and Outstanding Teachers chu Pu Lalrinmawia, Vice Principal, Baptist H.S.S. Serkawn, Pu H.Lalremliana, Headmaster, Govt. M.S.-II, Diakkawn Kolasib leh Pu B.Lalrintluanga, Headmaster, Govt. P.S.-I, Kawlkulh te hnenah hlanin Independence Day puala infiamna hrang hranga titha te hnenah lawmman a hlan bawk a ni. Heng bakah hian President's Police Medal for Distinguished Service dawng turin Pu L.Hrangnawna, IPS, DIG, Northern Range chu thlan a ni a, Police Medal for Meritorious Services dawng turin Inspector R.S.Liantluanga, O/C Special Narcotics, Aizawl Police Station leh Const. Lalzuithanga, Aizawl DEF te chu thlan an ni bawk a ni.
Independence Day pual hian vawiin chhun dar 12 khan Raj Bhavan-ah sawm bikte tan thingpui inhona 'At Home' neih a ni bawk.
Vawiin a Chief Minister-in Department hrang hrang hmachhawp tlangpui a tarlan zingah te chuan lo neih leh a kaihhnawih thil dangte chu sorkar dah pawimawh hmasak a nih thu te; kut hnathawktu te tharchhuah man man zawka hralh chhuahna dap pui te; Horticulture, Sericulture leh AH & Vety hmalakna te chu tlangram lo neih thlakthleng nan a tangkai dan tur te; thingtlang leh khawpui mi te tan thilsiamna hrang hrang tihhmasawn dan tur te leh Agriculture leh Horticulture te nena tangkawpa hma an lak theih dan tur te a tel a. Mizoram zirna hmasawnna tura Education Reforms Commission te report peihfel na ah Pu Lal Thanhawla chuan lawmthu sawiin Ministry of Human Resource-in tehna a siam Education Department Index ah pawh hmarchhaka a titha ber nihna Mizoramin a hauh thei a ni a ti a. State pumah SSA, RMSA leh Mid day Meal te chu chak taka kalpui chhunzawm zel a ni ang a ti bawk. JNNURM hnuaia Aizawl khawpui bikah chenna in neilo chhungkua 1096 leh District khawpui hrang hrang ah chhungkaw 1950 te tan insak sak tura ruahman mek a nih thu leh infiammi te nghahhlelh tak Lammual-a hnim siamchawp phah leh Thenzawl Hockey Ground a Astroturf ruahman chu tih thuai a ni dawn a ti a. State leh rampum huapa infiammi titha te hnenah Chief Minister chuan lawmthu a sawi a ni. Sipai lamah Mizo lut kan tlem tawh tiin Chief Minister chuan Chhingchhip-a Sainik School din nan central sorkar atangin sum pawh cheng vaibelchhe 83 chuang hmuh a nih tawh thu a tarlang bawk.
Pu Lal Thanhawla chuan Health Care Scheme changtlung zawk RSBY nena tangkawp kalpui thuai a nih tur thu te, thil man sang khuahkhrih leh ei leh bar kawngah te consumer te dikna humhalh tlat sorkarin a tum dan te, thu buai rem kawnga Judiciary tihchangtlun zel tur thu te leh inkalpawhna tihchangtlunna tur pakhat lui leh relkawng chungchanga sorkar tan lak mek dan te a sawi lang a. Kawlphetha lama sorkar hmalak mekna te tarlangin Pu Lal Thanhawla chuan Tuirial Hydel Project chu thawh chhunzawm nan cheng vaibelchhe 100 Mizoram-in a dawn tawh thu a sawi lang a, Serlui B Mini Hydel Project atan sum cheng vaibelchhia 119 sen a nih tawh thu sawiin September thlaa commission theih beisei a nih thu a tarlang bawk. Rajiv Gandhi Grameen Vidyutikaran Yojana (RGGVY) hnuaia thingtlang khua electric eng la nei lo tih enna tur leh mirethei chhungkua te tana a thlawna eng pek kawnga hmalak mek na te chu kumin chhunga zawh hman beisei a nih thu a tarlang bawk. Mipui mamawh hmasa tui thianghlim in tur hnianghnar taka pek nana ruahmanna thahnem tak kalpui mek a nih thu leh National Rural Drinking Water Programme hnuaia kumin chhunga thingtlang khaw 124 tuam tum a nih thu a sawi tel bawk. Hlemhletna leh eirukna chu ngaihzam a nih loh tur thu sawiin RTI hmang tangkai lehzual turin mipuite chu a chah bawk. Chief Minister chuan State ralmuanna kawnga tlawmngai pawl leh khawtlang hruaitute thawhpuinaah leh damdawi hmansual leh tawlhrukte, zu leh a kaihhnawih thil dangte dona kawngah tlawmngai pawl leh kohhran te chungah lawmthu a sawi bawk a ni.
Vawiina Independence Day lawmnaah hian hnathawh that vanga chawimawina sang dawngtu SI Laldawngliana, Aizawl DEF leh ASI Israela, Aizawl DEF te hnenah khuallian hian Governor's Gold Medal, 2010 a hlan a, zirtirtu thawk tha chawimawina - State Award to Meritorious and Outstanding Teachers chu Pu Lalrinmawia, Vice Principal, Baptist H.S.S. Serkawn, Pu H.Lalremliana, Headmaster, Govt. M.S.-II, Diakkawn Kolasib leh Pu B.Lalrintluanga, Headmaster, Govt. P.S.-I, Kawlkulh te hnenah hlanin Independence Day puala infiamna hrang hranga titha te hnenah lawmman a hlan bawk a ni. Heng bakah hian President's Police Medal for Distinguished Service dawng turin Pu L.Hrangnawna, IPS, DIG, Northern Range chu thlan a ni a, Police Medal for Meritorious Services dawng turin Inspector R.S.Liantluanga, O/C Special Narcotics, Aizawl Police Station leh Const. Lalzuithanga, Aizawl DEF te chu thlan an ni bawk a ni.
Independence Day pual hian vawiin chhun dar 12 khan Raj Bhavan-ah sawm bikte tan thingpui inhona 'At Home' neih a ni bawk.
Attachment
- Loading attachment...
