Nimin chawhma dar 10:30 khan Lunglei Circuit House-ah joint Seminar on Inpumkhatna - MAL, CAL leh LAL te tangkawpin seminar buatsaih a ni.
He joint seminar hi Pu Lalchhuanmawia Sailo, Lawngtlai Academy of Letter in a kaihruai a ni. He seminar ah hian Pu P.C. Lalthanliana, Minister of State chu khuallian a ni. Thusawiin  Minister  chuan Zohnahthlak inpumkhatna seminar-ah Khuallian a sawm anih avangin lawmthu a sawi. A sawi zelna ah thu leh hla a inpumkhatna hi thil ropui leh hlu a ni a, hnam hrang hrang leh tawng hrang hrangte inpumkhatna atan a pawimawh a ni,a ti. Zohnahthlak inpumkhatna atan hian literature a inpumkhatna mai bakah family inneih pawlh atanga inpumkhatna hi a pawimawh a ni a ti. Zohnahthlak inpumkhatna mai bakah India hnam hrang hrang inpumkhatna hi a pawimawh em em a, chu chu central sorkar pawhin a ngai pawimawh a ni, a ti.