4162/2024-2025
Aizawl, 10th February 2025: Vawiin khan CMO Aizawl East District chuan National Deworming Day February Round 2025 chu Zarkawt Anganwadi Centre ah hawnna hun an hmang a, Anganwadi naupangte rulhut hlo ei tir an ni.
He rulhut hlo pek beihpui thlak hian rulhut vanga naupang thisen tlachham leh hrisel lohna hrang hrang avanga an zirlai a harsatna thlen thei tur tihbo hi a tum a ni. He hunah hian Pu Lalbiakzauva, District Education Officer, Aizawl East District chu khuallian a ni a. Department hrang hrang thawhhona pawimawhzia leh naupang enkawl dan chungchangah nu leh pa te mawhphurhna leh hriselna atana faina leh chawtha ei a pawimawhzia te a sawi.
Dr. Lalparliani, Sr. CMO in a kaihruai a , Dr. Lalbiaksangi Rawihte, DRCHO chuan NDD chungchang a hriat tur pawimawh leh Rulhut hlo ei pawimawhna leh ei dan tur dikte zirtirna a pe a ni. Chairman Dr. Lalparliani, Sr CMO hnen atangin rulhut hlo ei pawimawhna leh department dangte nen a thawhhona tha neih a pawimawh thu ngaihthlak a ni bawk.
He hun hi Women and child leh education department staff te leh Zarkawt MHIP hruaituten an tel pui a ni.
