4161/2024-2025

Dated: Mamit the 10th of February,2025: Vawiin chawhma dar 11 khan Chhim Veng YMA Hall, Mamit-ah Fire Prevention Week 2025 hawnna hun hman a ni a, Pu K Laltlawmlova, Chairman District Level Committee on Fire Prevention leh District Bawrhsap ni bawk chu Khual lian niin hun a hmanpui. 

Bawrhsap chuan fire prevention week hawnna hun a lo kal te hnenah chuan lawmthu a sawi a, he week hian rahtha a chhuah ngei a beisei thu sawiin theihtawp chhuah a mitinte tanrual a pawimawh a ni a ti a. Kangmei ven kawng a hma lak hi kan tih makmawh tur a ni a,lo nei tute chu ram halnaah te fimkhur tak a thawh a tul a, tin chhung tinte pawh kangmei chhuak thei hrang hrang laka fimkhur a theihtawpin a venna kawng a hmala theuh turin Bawrhsap chuan a sawm a.  Pu K Laltlawmlova chuan DLCFP in a hma a lo lak tawhna te chu fakawm a tih thu sawiin tun a hman tur Fire prevention week-ah hmalak zel turah pawh duhsakna a hlan a, tlawmngai pawlte, zirlai leh vantlang mipuite te  nen tang rual a theihtawp chhuah turin a chah a, Mizo tlawmngaihna hre reng a hmasawn tum a thawk turin a ngen.

Vawiin hun hi Pu Vanlalchhuanga Chhangte, President Sub Hqrs YMA Mamit chuan kaihruaiin, Pu H Rodingluaia, Chairman,Joint VC chuan intiamna(pledge taking) a kaihruai. 

He hunah hian Pu C Lalrinmuana, DFO chuan Kum 2024 a hmalak tawhna te tarlangin kum in fire prevention week a hmalak tum dan te a sawi a, he week neih a tul chhan leh a pawimawhna inhrilhhriatna hun a hmang bawk. Pu Pukhraj Kamal,IPS,SP Mamit leh Pu C.L Thantluanga, President MUP Sun Hqrs Mamit te chuan thusawina hun hmangin, Pu Andrew Lalthlamuana,RO Mamit chuan lawmthu sawina hun a hmang.