Passport office tenau, Mini Passport Seva Kendra Aizawl-a hawnna tur buaipuiin vawiin khan Passport lama hotulu ber, A.Manickam, IFS, Jt.Secretary (CPV) & Chief Passport Officer, leh Dr. Nagendra Prasad, IFS, Director (PV) & P.D, PSP Ministry of External Affairs te chuan Aizawl an lo thleng a. Chief Secretary Pu Vanhela Pachuau hovin sorkar officer pawimawhte nen Chief Secretary Conference Hall-ah hemi chungchanga hmalakna tur pawimawhte an sawiho a ni.
Passport Seva Kendra hi kumin March thla chhunga hawn hman tum a nih thu Chief Passport Officer chuan a sawi a. A hmun chungchanga harsatna an neih chu Chief Secretary hnenah thlenin Mizoram sorkar puihna an ngen nghal a. Chief Secretary chuan Passport office chu thil pawimawh a nih avangin mipuite awlsamna atan a hmun chungchanga harsatna sukiang turin sorkar chuan a theih ang anga hma laki a inpeih tih a sawi.
Tuna Home Department hnuaia Passport Cell ah hian nitin passport dilna 50 atanga 55 vel an dawng a. Nikum January - December inkara dilna lut zawng zawng hi 2850 niin Police verification leh tul dangte tihfel hnua Guwahati Regional Passport Office a thawn zat chu 985 a ni. Mini PSK hawn a nih hun chuan internet hmangin Mizoram district tina S.P office te chu internet hmanga thlun zawm a ni dawn a. Aizawl atangin internet hmangin Passport hi Guwahati-a thawn ngai lova tihfel mai theih a ni tawh dawn a ni.
Passport office hawnna tur sawihona ah hian Home Secretary Pu Lalmalsawma IAS, Pu Lalrokhuma DGP leh Pu Lalbiakthanga S.P Aizawl te bakah Home, IT, NIC, Postal department officer pawimawh te an tel a. Guwahati RPO atangin T.Armstrong Changsan, IFS Director & Regional Passport Officer leh H.Lalramliana Deputy Passport Officer te an lo tel bawk a ni.
Tuna Home Department hnuaia Passport Cell ah hian nitin passport dilna 50 atanga 55 vel an dawng a. Nikum January - December inkara dilna lut zawng zawng hi 2850 niin Police verification leh tul dangte tihfel hnua Guwahati Regional Passport Office a thawn zat chu 985 a ni. Mini PSK hawn a nih hun chuan internet hmangin Mizoram district tina S.P office te chu internet hmanga thlun zawm a ni dawn a. Aizawl atangin internet hmangin Passport hi Guwahati-a thawn ngai lova tihfel mai theih a ni tawh dawn a ni.
Passport office hawnna tur sawihona ah hian Home Secretary Pu Lalmalsawma IAS, Pu Lalrokhuma DGP leh Pu Lalbiakthanga S.P Aizawl te bakah Home, IT, NIC, Postal department officer pawimawh te an tel a. Guwahati RPO atangin T.Armstrong Changsan, IFS Director & Regional Passport Officer leh H.Lalramliana Deputy Passport Officer te an lo tel bawk a ni.
