Indian Council of Forestry Research & Education (ICFRE), International Centre for Integrated Mountain Development (ICIMOD), Nepal leh German Society for International Cooperation, Germany (GIZ) tangkawp chuan ni hnih awh tur thil zirhona leh an theihna tihpun dan kawng sawihona Workshop Aijal Club ah 28.1.2016 hian an nei a. An thil sawiho thupui ber chu REDD+ (Reducing Emissions from Deforestation and Forest Degradation) Himalaya : Thiamna leh tawnhriat thilte hmang tangkaia Himalaya tlang chhehvel hmuna REDD+ program kalpui dan a ni.

REDD+ chu khawvel ram thang mek a sik leh sa inthlak danglam nasa tak tihziawmna leh ramngaw tih zauhna programme a ni a. A tum ber chu CO2 tihtlem a ni. Mizoram hi REDD+ hmanna tura an thlan zing a State pakhat a ni.

Ni 28.1.2016 a workshop ah hian Pu Lalrinmawia Ralte, Hon’ble Minister, E&F chu khuallian a ni. He project hlawhtlinna tur hian beiseina a sang hle. He workshop ah hian forest officers thahnem tak leh scientist engemawzat an rawn tel thei a, chung ho chu India ramchhung a mi te, Gemany leh Nepal a mite an ni hlawm.

Ni hnihna (Ni 29 January) ah khan proposed project site Reiek ah field visit neih a ni a. Reiek leh Ailawng khua mi te nen project chungchang sawi hona hun tha tak an nei in Reiek leh Ailawng khua mi te pawhin hemi project hnuaia kalpui tur a bik in mau hmun zau tak siam na tur ram pek leh agriculture activities chi hrang-hrang kalpui an remti tlang a ni.