Vawiin chawhma dar 11:00 khan MJA District Hqrs. Lunglei Annual Conference leh inthlanna Press Club, Lunglei ah neih a ni. 

Pu K. Lalrinpuia President, MJA chuan inkhawm kaihruaiin, khuallian Pu R. Vanrengpuia, MCS chuan Journalist hna hi hnadang ang a ni lo a, hna danglam tak a ni a, kan hnathawh hi abo abang awmlovin mipui hma ah pholan ani thin a, chuvangin fimkhur tak leh dik tak a kan thil chhuah te kan thlitfim thiam angaih thu a sawi bawk. Mipuite hian dikna (Right) kan nei a, chu kan dikna chanvo chu chanchin dik hriat hi a ni a, chumi hriattir theitu chu chanchinbu mite hi an ni a, chuvangin mipuite tan a tha tur leh tangkai tur kan thlanthiam a ngai a ni a ti. 

Pi Mina Zoliani Joute, I&PRO, Lunglei pawhin thu sawiin Vawiin ni thlenga tluang tak a MJA Lunglei te an lo kal tawhna leh hna an lo thawh tawh zawng zawng ah Pathian hruaina chang a, tun hun an thlen theih avangin a lawmpuithu asawi a, kan hun hman hi engang in nge kan hman, hmalam panin nge hnungtawlh zawngin kan kal, kan thlenchin atanga hmasawn zel tur kan nih angin he pawl hmasawnna thlentu ni theuh thei turin tan ila thar ang u a ti a, hruaitu thar tha tak thlang chuak turin duhsakna a hlan nghal bawk.

MJA Dist. Hqrts. Lunglei Annual Conference ah hian Pu Thanghmingliana Renthlei, G/S MJA Lunglei chuan report pein, Pu Rodingliana Khiangte, Treasurer in Financial report  a pe a, Hnahthial Sub-Division atangin Pu Lalbuatsaiha'n report a pe bawk a ni.

Vawiin a MJA Dist. Hqrs. Annual Conference ah hian Resolution hetiang hian an pass.
 

1. Khua a lo ro tan leh ta a, kangmei vanga chhiatna leh harsatna a lo thlenloh nan mitinte tun atangin fimkhur ila, kum tin kan chhehvel kang thin hi pawi kan ti a, kan ram ngaw, lui a chengte leh nungcha te hi a suat tu nilova a hum halhtu nih i tum theuh ang u. Hetih rual hian ram tikangtu leh nungcha tur a hrai chingte manchhuah an nih chuan dan ang a an phutawk ang ngei a hrem ni thin rawh se. 

2. Kum tin fur laiin chhimlamah hian Power Supply hun reitak a khaihlak fo thin a, mihringte thunun phak bak a awm tih erawh kan pawm. Thawktu thenkhat hna a an inpek em em laiin hmun thenkhat a thawktute avangin Power Supply ah harsatna kan tawk thin niin a lang. Kum dang ah chuan hetiang harsatna awm tawhlo turin Department a hna tawhktute lo in hmakhua tawh turin kan beiseiin kan phut a ni. Hetih rual hian mipui te pawhin Power renchem na chang hria ila, Power hrui pawh thing kih leh lo hal in a tih chhiat thu tun hnu ah hriattur awmtawhlo se kan duh.

He hun ah hian Zawhna leh chhana hun hman ani a, Chawhnu lam ah Pu R. Lalnunthara, President Sub-Hqrst. YMA Lunglei kaihhruaina hnuai ah kum 2016-2018 chhung a hruaitu tur thlanna neih nghal a ni.