No.3310/2021-2022

Aizawl, the 8th December 2021: Nimin khan Dr Lalhriatzuali Ralte, Aizawl District Bawrhsap hoin Aizawl DC's Conference Hall-ah Krismas leh Kumthar vuakvetah boruak muanawm tak a awm theih nan Aizawl District a sawrkar mi pawimawh te an thu khawm a. He hunah hian Covid 19 Appropriate Behaviour(CAB) bakah Dan leh Thupek khauh zawka kalpui an rel a ni.

Kumin Krismas leh Kumthar vuakvetah sawrkarin a SOP a siam te chu uluk taka zawm anih theih nan AMC area huam chhung hmun engemaw zat ah te Executive Duty dah leh turin an rel a . SOP/ CAB kenkawh naah chak zawka hmalak dan tur rel ho a ni a. AMC area pawn lamah te chuan VLTF ten uluk lehzualin sawrkar SOP/ CAB zawm anih theih nan hma la se tih a ni.

District Administration in a inkaihhruaina a tih chhuah bawhzuiin kohhran tinah kohhran hruaitute leh Task force te in berawnin SOP implementation Committee din ngei tura ngen ni se tih a ni a.

Mipuiten duhna hmun hmuna kawng kan thin a nih avanga khawpui chhunga traffic jam belhchhah a ni thu ngaihthlak a ni a. Hemi ti ziaawm turin mipui te kawng kanna hmun bik (pedestrian crossing) tur traffic hotute nen ahmun a enho a ruahmanna siam tura rel a ni.

S.P Aizawl aiawh atangin halpuah leh halmawi zawrh leh hman chungchang a an hmalakna ngaihthlak a ni. Courrier service hrang hrang leh online shopping site hrang hrang ah te pawh ngenna an ziah tawh thu ngaihthlak a ni a. Checking te pawh neih chhoh mek a nih thu tarlan a ni. District Administration lam pawhin state boundary District Administration te hnenah halpuah leh halmawi lakluh chungchanga nasa zawka border a checking nei tura ngenna a siam tur thu an sawi bawk a ni.

District Administration in inkaihhruaina a siam bawhzuiin MIMA hotute chuan mipuite khawpui a bazar tura punkhawm ngai lo a mahni khua theuha an mahmawh te lei theih tura ruahhmanna siam an tum thu an tarlang.

Commerce & Industries Department te chu bazar-na hmun te a darhsarh thei ang bera ruahmanna siam tur leh bazarna hmunah te CAB tha taka zawm anih theih nan mipuiah tlangau tura ruahmanna siam tura tih an ni.

Meeting ah hian S.P Aizawl, S.P Traffic, Excise & Narcotics, AMC, Commerce & Industries leh MIMA aiawh te an tel a ni.