1465/2022-2023

Aizawl, 4th August, 2022: Vawiin khan Dr Lalhriatzuali Ralte, IAS, Deputy Commisisoner hovin a pisa-ah Republic Veng, Aizawl-a lei tawlh leh lei che chungchanga hmalak dan tur rel a ni a. He hunah hian AMC, DM&R, PWD, PHE, Police, Geology & Mining, Local Council leh YMA hruaitute an tel a ni.

Bawrhsap hova thukhawm chuan Republic venga lei tawlh/lei che avanga Pu Lalnunmawia In chhia thiah tur a nih leh nih loh te leh thildang pawimawh te an rel a. Uluk taka ngaihtuah ho a nih hnuah leh thil hrang hrang sawiho a nih hnuah Pu Lalnunmawia In chu thiah ni se ti a rel a ni a.  August ni 5, 2022 ah thiah hna hi thawh tan nghal tura rel a ni bawk. He hna lo enpui tur hian Zonal Officer leh Structure Engineer te ruat an ni a, khawtlang hruaitute kaihhruainain thiah hna hi kalpui a ni ang. Thiah zawh hnua hlauhawm la awm thei venna atana hna thawh tur te rawtna siam nghal a tha tih niin, heng atan hian AMC chuan Plan & Estimate siamin DC, Aizawlah thehlut se tih a ni. Meetingah hian Republic Veng-a chhiat tawk chhungkua 36 hnenah tanpuina sumfai pek nghal an ni.

Meeting neih a nih zawh hian member te chuan R. Vanrengpuia, Addl DC hovin lei chetna hmun hi an tlawh lehnghal bawk a ni.