2661/2023-2024
04.11.2023: Aizawl DC Pi Nazuk Kumar chuan a hnuai ami ang hian Inthlanpui lo awm tur atana mipui leh candidate/political party te tana hriattur pawimawh thu a chhuah:
General Election to the Mizoram Legislative Assembly, 2023 inthlan chu November ni 7, 2023 ah neih tur a ni a. Aizawl District chhungah inthlanna felfai leh thianghlim a awm theihna turin leh Election Commission of India in inkaihhruaina hrang hrang a siamte zawm a nih theihna turin vote thlak tawp hun atanga chhiar leta darkar 48 chhung (ie. 05.11.2023, 4:00 PM atanga 07.11.2023, 4:00 PM thleng) hian political party leh candidate te chuan a hnuai a tarlan te hi an zawm tur a ni ang:
1) Political party leh candidate te tan campaign neih phal a ni tawh lo.
2) Constituency pawn atanga campaign tura lo kal, chu constituency a vote nei si lo te chuan constituency an chhuahsan tawh tur a ni. Amaherawhchu hei hian candidate leh election agent te leh party office bearer, state in- charge a ruat te chu a huam ve lo vang.
3) Aurinna (loudspeaker) hman phal a ni tawh lova. District Magistrate in khapna thupek Sec. 144 CrPC hmanga a chhuah chu zawm vek tur a ni.
4) Sec. 1264 of the Representation of the People Act, 1951 in a sawi angin electronic Media/Social Media leh a tlukpui dangteah Election kaihhnawih, mipui rilru sukthlek tidanglam thei thilte tarlan/ chhuah phal a ni lo. Tin, hemi chhung hian mipui ngaihdan lakna Opinion Poll siam leh Exit poll (Vote thlak zote kawmna/zirbingna atanga inthlan result rinlawkna) neih loh tur a ni. Hei hian vote thlak tan hun atanga a zawh hnu darkar chanve thleng a huam ang.
5) Inthlan ni (07.11.2023) leh a hma ni (06.11.2023)-a print media a political advertisement chhuah tur te chuan MCMC (Media Certification and Monitoring Committee) te phalna an la tur a ni.
6) Criminal Antecedent nei Contesting candidate leh Political Party-te an awm chuan Newspaper leh TV ah format pek tawh angin, Format C1 (Candidate tan) leh C2 (Political Parties) te tan, a vawithumna hi an la chhuah lo a nih chuan 05.11.2023 (Pathianni) tlai dar 4:00PM hma ngei a chhuah fel tur a ni.
7) Sec. 130 of the Representation of the People Act, 1951 in a sawi angin inthlan niah hian polling station atanga metre 100 huamchhung ah vote dilna anga ngaih thei thil reng reng tih phal a ni lo.
