2662/2023-2024
Dated Serchhip, the 4th November, 2023: Mizoram Legislative Assembly Election, 2023 vote thlak hun atan November Ni 7, 2023 chu ruat a ni a. Serchhip District chhungah inthlan boruak muanawm leh thianghlim tak a awm theih nan, Section 126 (1) of The Representation of the People Act, 1951- in a tarlan angin Campaign Programme huaihawt leh punkhawm chungchangah Pu David Lalthantluanga IAS,District Magistrate, Serchhip District chuan a hnuaia mi ang hian khapna thupek a tichhuak.
CrPC 1973 Section 144, -in thuneihna a pek hmangin Serchhip Distrct chhungah dt.5.11.2023 tlai dar 4 atanga inthlan zawh hun thlengin mi Panga (5) aia tam punkhawm khap a ni tih Serchhip DC chuan a puang a. He thupek zawm lo te chu IPC section 188-na hmanga hrem theih an ni ang. He thupek hian chhiatni leh thatni bakah kohhran inkhawmte, vote thlak tura kalkhawmte a huam lovang.
