Vawiin khan Aizawl DC Conference Hall-ah Aizawl Bawrhsap Pu Vanlalngaihsaka hovin MEFCOF hotute leh department hrang hrang aiawh ten Aizawl district chhunga sik leh sa leh nungchate humhalh kawnga hmalak ho an rel.

Aizawl bawrhsap Pu Vanlalngaihsaka chuan thing leh mau, nungcha chereu zel leh sik leh sa inthlak danglam nasa lutuk veng tura hmalak a pawimawh takzet thu leh hei hi kan ram leh hnam damchhuahna atana pawimawh ber pakhat a nih thu sawiin, hetih kawnga MEFCOF hmalakna chu District hrang hranga a awmkual lai atang tawh a a ngaihsan leh a ngaihhlut thin a ni tih a sawi a, thawhhona tha an neih theih ngei a beisei thu a sawi.

MEFCOF hruaitute pawhin Aizawl bawrhsapin Aizawl district sik leh sa lo chhe ta lutuk leh ramngaw leh nungcha chereu humhalh a, kangmei veng tura thawhho dan tur ngaihtuah ho a duh avanga lawmawm an tih thu an sawi a, Mizoram pumah Zotheihuan 173 din a nih tawh thu te an sawi a ni.

Vawiin thukhawm hian a bul tan nan Aizawl District chhunga Zotheihuan la dinlohna khua ah te zotheihuan din tura hmalak  dan tur an ngaihtuah a, heng bakah hian sik leh sa, ramngaw leh nungcha humhalh kawnga tan lak dan tur chi hrang hrang an sawiho a ni.

Vawiin thutkhawmah hian sawrkar department hrang hrang bakah MUP, CYMA leh MSU aiawhte an tel a ni.