Vawiin  chawhnu khan Aizawl DC office officers and staff te tan Aizawl DC's Conference Hall-ah HIV/AIDS Sensitization Program hman a ni a.Hei hi District AIDS Prevention and Control committee Aizawl, in  meeting a lo rel tawh anga hmalakna a ni a. Aizawl khawpui chhunga Sorkar Office hrang hrang 10 thlan chhuahah HIV/AIDS sensitization campaign Program hman mek a ni a.A Bul tan nan 11th October khan Chief Minister's Office-ah Chief Minister Pu Zoramthanga chuan a lo hawng tawh a ni.

Vawiina DC Office staff te puala Sensitization Campaign inkhawm hi  Pu Vanlalngaihsaka, Deputy Commissioner leh Chairman District AIDS Prevention and Control committee chuan a kaihruai a.  Dr. R. Zonunmawii, Distririct Program Manager hnen atangin Power point presentation kaltlang zirtirna neih a ni.He program-ah hian Mizoram, a bikin Aizawl District ah HIV/AIDS lo hluar chhoh zel dan leh a hlauhawmna te, inkaihchhawn theihna chungchangah te zirtirna pek a ni a.He training chhimtu zawng zawng te chu AIDS/HIV natna atanga fihlim theuh chah leh midangte hnena zirtirna pe pe chhawng tura ngen a ni. Hemi hnu hian Sawihona, Zawhna leh chhanna hun hman nghal a ni.