Vawiin chawhma khan Aizawl District Bawrhsap Pu Vanlalngaihsaka chuan kawng sira eizawnga thilzuarho hman tur Dawrte( Vending Stall) 26 chu Venghlui leh Tuikual South Local Council te hnenah semchhuah turin a hlan.

Vending Stall 26 te hi Aizawl Kiosk Project hnuaia hmalakna a ni a. He vending Stall te hi Aizawl khawpui chei tura hmalakna leh kawngdunga sumdawngte tanpuina tura ruahmanna a ni a. Vawiina dawrte semchhuah te hi Aizawl DC office gate bul, Eureka Restaurant bul, Vanapa Hall bul, Transport Directorate bul leh Kapsanga Building bul velah te hun a ni dawn a. Dawrte hi chungkhuh neia siam niin tala hmanga kalh theih theih tura siam a ni bawk a ni.