2841/2024-2025

Aizawl the 5^th November, 2024 : Aizawl District Bawrhsap Er. Lalhriatpuia chuan mipuite kan lo him zawk na turin a hnuaia tarlan ang hian mipuiten kan zawm tur hriattirna a siam.

Tunhnai ah khua te lo thal chho in ruahtui te a lo hul chho tan ta a, chuvang chuan ruahtui te a lo tlak leh hmain chhiatna thleng thei laka mitin te kan him theih nan ahnuaia hriattirna tarlan te hi uluk taka chhiar a, a tui anga hma la turin kan in ngenin kan in hriattir e.

Heng thuclihuah zawm lo te chu DM Act, 2005 hnuaia hrem theihna dan tarlan te an chungah kenkawh a ni ang.

1. Thal chhungin mitin in tuidawn leh tuichhe paihna mumal takin kan siamin kan tuidawn leh tuichhe paihna te kawrpui ah kan luan luh tir vek tur a ni.

2. Ruahtui khawl ten kan tui khawl luang liam te mumal takin Public drain ah a luan chhuahna kan siam tur a ni.

3. Vengchhung tuiluan kawr te a that tawk leh tawk loh uluk takin vengtin LC/VC te enfiahin bawlhhlawh hnawhtu awmte tifaiin tui put theihna awmte thawm that tur a ni.

4. Mahni ram chhung lungrem te a him tawk leh tawk loh uluk taka enfiahin a him tawk lo thawm tha turin ram neituten hma an la tur a ni. Hei hi LC/VC ten an lo enfiah pui ang.

5. Thingkung tluk hlauhawm leh zar thlak ngaite a ram neituten Forest Department ah phalna la hmasain thenfai hna an thawk tur a ni.

6. Vantlang hmuna lungrem te a him leh him loh LC/VC ten enfiahin thawm that ngaite chu a changtu Department ah a rang lamin thawm that hna thawk turin an hriattir ang.

7. Kawng enkawltu - PWD, BRTF leh NH1DCL ten an kawng hmangtute tana hlauhawm thei - lung tlak hlauhawm, thingkung tluk hlauhawm leh leimin mai thei hlauhawm te enfiahin thal laiin a thenfai hna an thawk tur a ni.

Veng/ Khaw tin LLDMC/VLDMG ten heng thuchhuah zawm a nih leh nih loh hi lo enfiahin a zawm lo te chu District Disaster Management Authority, Aizawl Distirct hnenah an thlen ang.