2840/2024-2025

Dated Aizawl, the 5th November 2024: Vawiin khan CM Conference Hall-ah Chief Minister Pu Lalduhoma hovin Chapchar Kut Organising Committee te an thukhawm a. Chapchar Kut 2025 lo thleng tur inbuatsaihna hrang hrangte an sawi.

Programme Committee leh Chapchar Kut Souvenir Editorial Board an din a, Chapchar Kut hman dan tur tha zawk a awm theih beisei a Art & Culture Department -in inrawnkhawmna (consultation meeting) a buatsaih atanga rawtna lut te chu Programme Committee lamin lo thlir se, an ti.

Chapchar Kut 2025 thupui atan Zo nun ze mawi - Hawihhawmna tih chu thlan a ni.

Chapchar Kut 2025 hman nan hian Mizoram sawrkar chuan Rs. 1 Crore budget-ah a dah a, department te chu Chapchar Kut kaihhnawih hmalakna an neihah an Department suma lo thawk (convergence) tawh tura beisei an ni. Kut sponsor hi a theih ang ang a zawn leh ni se an ti bawk. Sawrkar atanga Kut hmanna tur sum te hi district tinah leh state danga Mizoram House hrang hrangah te sem chhuah leh tur a ni ang.

Heng bakah hian thil pawimawh dangte pawh an sawi a ni.