Aizawl Bus Owners Association in sawrkar fare ruahman an duhloh entirna atana ni khat leh a chanve lai an nawrh titawp a, sawrkar rate anga kal tiamin tukin zing atang khan an service leh ta.

Chutih laiin Bus thenkhata rate hlui hmang in fare an la khawn tih hriat a ni a. Transport Department Enforcement Staff ten an check nghal a. Chutianga khawn City Bus pahnih MZ-01B/7415 leh MZ-01C/2090 te hian rate sang an lo la a, an document te pawh laksak nghal an ni.

Rate dik lova Bus chuan man la apiangte chu thuneitute hnena report zel turin Transport Department chuan mipuite a ngen a ni.