Home Minister Pu R. Lalzirliana chuan, Mizoram chhunga Remna leh Muanna hlu tak kan neih tibahlah tura chet thawhna reng reng hmeh chimih zel a ni ang, a ti.
He thu hi Vairengte-a NGO hruaitute leh sawrkar hnathawkte hma-ah a sawi a ni. Vairengte-a Police hmun pawimawh hrang hrangte a tlawh zawhah SDO(C) office-ah nimin khan thu sawiin Pu Zira chuan Helna reng reng hian hlawkna a nei tur a ni lova, ram mipuite muanna vawng turin I tang ho ang u, a ti a. An sawrkar chuan ram venhimna ah nasa taka thawkin silai tawlh, zawrh leh thuhrukte nasa takin a man chhuak tawh a ni, a ti. Tlawmngai pawl hrang hrangte an thil tum (motto) pela kal lo turin a chah a. Sawrkar-in a ruat ni silo, mahni thua dan siam tum te sawrkar-in a ngaizam dawn lo a ni, Home Minister chuan a ti.
Pu R. Lalzirliana chuan Zoram pum huapa ngaihtuahna seng turin Vairengte khaw mipuite a chah a. An khaw police office sakna tur Police modernisation scheme hmun dang dinhmun chhe zawk Saitual tana dah (divert) a ni chu hrethiam tura chahin, SDPO post Vairengte ami erawh chu post siam thara a ngheta hlan sak a tiam thung a ni. SDPO hmun nghet an dil pawh tih sak sawrkar-in a tum thu a hrilh nghal a ni. Vairengte khaw daia police check gate sawnna tur hmun Pu Zira chuan a tlawh bawk a. Tun hnuah check-gate hrang hrangte inhnai taka awm khawm tha a tih thu sawiin GRPF hmun rauhsan tak thlirin I.R. company khat emaw la dah a that a rin thu pawh a sawi a ni. Vairengte ah hian police station teh Sub-Jail building sak mek a tlawh bawk.
Phaisen leh Cachar inrina hmun Home Minister hian a tlawh bawk a. Sawrkar-in kumin March 18 thla-a 1st I.R. mi 23 a dah takte chu tlawhin heng sipaite hi an awmtirh atanga ramri venga hminghliauna awm lova an thawh avangin a fak a. I.R. sipaite hi PWD I.B. thin Home Department kuta awm ta, ramri hrulah hian an in khuar a, Sub-Inspector in a ho a ni. He hmunah hian Border outpost nghet dah a nih tur thu Pu Zira chuan a sawi bawk.
Tukin zing khan Kolasib-a NGO hruaitute leh sawrkar department Office Head te D.C. Conference Hall-ah Home Minister chuan hmuin sawrkar-in corruption tibo turin tha a thlah lo tih a sawi a. Sawrkar hmasa lama lo chin fo Police hna hniam thawkte private-a chhawr thin pawh tihtawp a ni tawh a ni, a ti a. Tuivai khuah tur eng 12 M.W. pe thei tur chu central in pilot project ah a dah tawh a. He hna hi dodaltu mithenkhat awm mahse ram that nan sawrkar chuan a kaltlangpui dawn a ni, Home Minister chuan a ti a ni.
Home Minister hi Pu Lalrinmawia Ralte, Parliamentary Secretary; Pu K. Lalrinthanga MLA; Pu L. Hrangnawna, DIG; Pu V. Lalremthanga, Director, R.D. Deptt. leh Aizawl leh Kolasib atangin officer engemawzatin an tawiawm a ni.
Pu R. Lalzirliana chuan Zoram pum huapa ngaihtuahna seng turin Vairengte khaw mipuite a chah a. An khaw police office sakna tur Police modernisation scheme hmun dang dinhmun chhe zawk Saitual tana dah (divert) a ni chu hrethiam tura chahin, SDPO post Vairengte ami erawh chu post siam thara a ngheta hlan sak a tiam thung a ni. SDPO hmun nghet an dil pawh tih sak sawrkar-in a tum thu a hrilh nghal a ni. Vairengte khaw daia police check gate sawnna tur hmun Pu Zira chuan a tlawh bawk a. Tun hnuah check-gate hrang hrangte inhnai taka awm khawm tha a tih thu sawiin GRPF hmun rauhsan tak thlirin I.R. company khat emaw la dah a that a rin thu pawh a sawi a ni. Vairengte ah hian police station teh Sub-Jail building sak mek a tlawh bawk.
Phaisen leh Cachar inrina hmun Home Minister hian a tlawh bawk a. Sawrkar-in kumin March 18 thla-a 1st I.R. mi 23 a dah takte chu tlawhin heng sipaite hi an awmtirh atanga ramri venga hminghliauna awm lova an thawh avangin a fak a. I.R. sipaite hi PWD I.B. thin Home Department kuta awm ta, ramri hrulah hian an in khuar a, Sub-Inspector in a ho a ni. He hmunah hian Border outpost nghet dah a nih tur thu Pu Zira chuan a sawi bawk.
Tukin zing khan Kolasib-a NGO hruaitute leh sawrkar department Office Head te D.C. Conference Hall-ah Home Minister chuan hmuin sawrkar-in corruption tibo turin tha a thlah lo tih a sawi a. Sawrkar hmasa lama lo chin fo Police hna hniam thawkte private-a chhawr thin pawh tihtawp a ni tawh a ni, a ti a. Tuivai khuah tur eng 12 M.W. pe thei tur chu central in pilot project ah a dah tawh a. He hna hi dodaltu mithenkhat awm mahse ram that nan sawrkar chuan a kaltlangpui dawn a ni, Home Minister chuan a ti a ni.
Home Minister hi Pu Lalrinmawia Ralte, Parliamentary Secretary; Pu K. Lalrinthanga MLA; Pu L. Hrangnawna, DIG; Pu V. Lalremthanga, Director, R.D. Deptt. leh Aizawl leh Kolasib atangin officer engemawzatin an tawiawm a ni.
