Nimin khan D.C. Office Chamber, Mamit-ah Pu Zothankhuma, IAS, DC, Mamit kaihhruai in kumin 2009 Teachers’ Day hman dan tur District Level Committee in an rel. Kumin Teachers’ Day September ni 5 hi Inrinni a nih avangin sawrkar in a ruahman angin September ni 7, 2009 (Thawhtanni) ah hman nise, Committee chuan kum dang hman dan ang lo deuhin District chhung school hrang hrangte chuan anmahni school theuhah hman nise hetah hian Education Minister leh Dr. S.Radhakrishnan chanchin chhiarchhuahna neih nise tiin a rel a. Nation Foundation for Teachers’ Welfare atana District target Rs. 20000/- chu tlin ngei tum nise, token leh car flag pawh sub-division ah semdarh tura rel a ni bawk. Teachers’ Day thuchah District Bawrhsap in District chhunga Cable Operator te chhuah turin nibawk se tih rel a ni bawk.