I & PR leh Aizawl Art Gallery buatsaih Chapchar Art Fest 2009 chu vawiin khan Pu P.C. Zoram Sangliana, Art & Culture Minister in a tlawh. Minister chuan I&PR Deptt. leh Aizawl Art Gallery tangkawpin Chapchar Art Fest hlawhtling taka an buatsaih chu lawmawm a tih thu a sawi a. I &PR in thlalak hlui an pho chhuahte chu ram tana thil hlu a nih avangin a enkawltute pawhin a vawn that chungchangah theih tawp chhuah zel se a duh thu a sawi a, Art Fest a telte kutchhuak - painting, collage, clay modeling te enkual in, Artist senior zawkten Fine Arts a talent nei tha tak takte hai chhuak a, hmasawn tura an kaihruai chu lawmawm a tih thu a sawi bawk a ni. Minister hi AH & Vety Minister Pu N.K. Chakma; ZIDCO Chairman Pu K. Lianzuala leh Pu Lalrobiaka ten an tawiawm a ni.

Aizawl Art Gallery neitu Pu Tanpuia’n Minister hnenah hian Mizote hian kawng hrang hrangah talent kan neih that em avangin a tuimi an kal zelna turah sorkar thuneitute pawhin institution tha kan neih theih nan hmala se a duh thu a lo thlen bawk a ni.

I & PR Director Pu L.R. Sailo pawhin, Art hi Information a nih angin thalai zawkten thlalak hlui leh Artist te kut chhuak hmanga kan ram hlimthla an hmuh theih tura an chhawp chhuak thei chu lawmawm a tih thu a sawi bawk a ni.