3565/2023-2024

Dated Aizawl, the 30th January, 2024: Vawiin khan Aizawl City College Joint Student Union hruaitute chuan Chief Minister Pu Lalduhoma chu a office-ah lawmpuina an hlan.

Tribal Scholarship pek chhuah khawtlai deuh thin an thlen chungchangah hian Chief Minister chuan, Scholarship Board a thawktute a lo sawipui tawh thu leh central lam atanga harsatna a awm loh chuan a hun taka scholarship hi pek chhuah zel an tum thu a hrilh a. Hmunhma chungchang an dilna te, professor lak belh leh dahngheh chungchang  an thlen te leh thil dang te chu a theih ang anga bawhzui tha a tih thu lo hrilhin; Higher & Technical Minister hnenah an rawtna te chu lo thlen turin a chah bawk a ni.