3564/2023-2024

Champhai the 30th January, 2024 - Vawiin khan Champhai District-a Registrar of Births & Deaths te tan DRO Conference Hall, Keifangtlang Champhai-ah training neih a ni.

He Training hi DRO & Addl.District Registrar of Births & Deaths ni bawk Pu Lalthlamuana Fanai in kaihruaiin Training tura lo kalte lawmna thu sawiin lawmthu a hrilh a, heTraining hi Pu James Lalrinchhana Deputy Commissioner & District Registrar of Births & Deaths ni bawkin hmanpuiin kalkhawmte hmaah thu sawiin RBD-te hnathawhna fakin an chungah lawmthu a sawi a. Training pawimawhna sawiin inzir thar zel pawimawhzia leh intuaithar zel turin a fuih bawk a ni.

He Training hi hlawkpui ngei turin a duh thu sawiin Champhai District khaw hrang hranga RBD-te uluk tak leh dik taka thawk turin a chah a, ram leh hnam venghimtu hmasa ber an nih thu sawiin fimkhur taka thawk tur a chahin a sawm bawk a ni.

Training ah hian Pu H.Lalhmangaiha Inspector of Statistics leh thawktu dang ten RBD-te hriat tur pawimawhte zirtirna pein hun hman a ni a. RBD lam atanga zawhna awmte chhan niin sawihona tha tak neih a ni bawk a ni.

Champhai District chhungah hian Registration of Births & Deaths Unit hi 67 a awm mek a, 8 te hi Damdawi In hrang hrangte niin 59-te hi Local RBD Unit-te an ni bawk a ni. RBD-te zawng zawng hian nitinin piang leh thi an huam chhunga an neihte hi DRO Office-ah Report an pe thin a, hei hi DRO Office hian Directorate of Economics & Statistics-ah nitin a thehlut thin a ni.