3563/2023-2024

2024 Pawlkut thla ni 30: Vawiin khan Samagra Shiksha, Kolasib District chuan I&PR Conference Hall, Kolasib-ah Quiz Competition for Elementary Class 6 - 8 an buatsaih.

Kolasib District Project Coordinator (DPC), Samagra Shiksha Pi K. Lalsiamliani chuan zirlaite fuihna thu sawiin, quiz competition hi a hawng a. Quiz competition-ah hian Kolasib District chhunga zirna in thlan bik pasarih - Chanmari UPS, Kawnpui; St Maria Gorettis School; Govt TS Luaia MS; LTM UPS; Presbyterian English School, Kolasib; Govt Diakkawn MS leh Govt MS Kolasib te an tel a ni.

Quiz Competition for Elementary Class, 2024-ah hian St Maria Gorettis School chu pakhatna niin, pahnihna Chanmari UPS, Kawnpui leh pathumna Presbyterian English School, Kolasib te an ni a. Pakhatnain ₹ 6,000/- leh certificate, pahnihnain ₹ 5,000/- leh certificate, pathumnain ₹ 4,000/- leh certificate leh a tel zawng zawngin participation prize ₹ 1,000 leh certificate an dawng a. Lawmman leh certificate te hi DPC Pi K. Lalsiamliani'n a dawngtute hnenah a hlan a ni.