Civil Hospital, Aizawl inrelbawlna a lo that zawk nan leh a felfai zawk nan a hnuaia mi ang hian ruahmanna siam a ni a. Hei hi hriatsak a, zawmsak turin Medical Superintendent chuan mipuite min ngen a ni.
1. Civil Hospital, Aizawl damlo kan hun hi zingkar dar 7-9 leh tlai dar 3-5 a ni a. Damlo kan hun (visiting hour)-ah lo chuan Indoor Main Gate hi kalh a ni tawh ang.
2. In lam atanga damlo chaw pe duhte’n damdawi ina damlo kan hun zing dar 9 hma leh tlai dar 5 hmaa chaw pek thin tur a ni.
3. Civil Hospital compound chhungah thawktute (staff) lirthei tih loh chu lirthei dang dah (park) phal a ni lo va. Emergency thila damlo phurtute’n dropping an tih zawhah hospital compound chhungah motor park lovin compound pawn lamah an park thin tur a ni.
4. Civil Hospital, Aizawl hi fai leh thianghlim taka enkawl a nih theih nan damlo leh anmahni awmpuitute leh mipuite’n damdawi in vawn fai leh thianghlimna kawngah hma min lakpui a, bawlhhlawh paih mai mai lovin a paihna bawm (dustbin)-ah paih zel turin kan inngen e.
