Champhai District Bawrhsap Pu Vanlalngaihsaka chuan ni.7.5.2016 (Inrinni) chawhnu khan Khawzawl a JNV School building sak mek chu a hmunah kalin a tlawh a. Khawzawl SDO (C) Pu Lalrinzuala, MAMCO E.E. Pu Lalbiakthanga Chhangte bakah JNV Staff-te, Contractor aiawhte leh Khawzawl khawtlang hruaituten an tawiawm a ni.

Champhai DC Pu Vanlalngaihsaka chuan building hrang hrang sak hna thawh tawh chin leh zirlaite mamawhna thlirin, thla thum ral hma hma in School Building thar hi luah luh theih turah a beisei thu contractor-te chu a hrilh a. JNV panna kawng siam that nana Proposal siam chu thehluh a nih tawh thu te sawiin, JNV Building thar luah luh anih theihna tura hmabak la awm te buaipui dan tur DC hian MAMCO aiawhte leh Contractor aiawhte a sawipui nghal a ni.

Champhai DC Pu Vanlalngaihsaka hian JNV Building sak mek a tlawh zawh hian Khawzawl SDO(C) Office te, Khawzawl Helipad leh JNV in tuna School atana an luah hawh mek, Khawzawl Judo Building-te a tlawh a. DC hian JNV Building luah lai mek a tlawhnaah hian Class IX Seat ruak hnawhkhahna tura Exam buatsaihna tur a Question buatsaih, felhlel awm avanga cancel leh tak, Question paper te chu JNV Office kawtah a hal nghal a ni.

Attachment

  • Loading attachment...