DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/aizawl-custom-division-in-rangkachak-tawlhruk-tum-an-manp

AIZAWL CUSTOM DIVISION-IN RANGKACHAK TAWLHRUK TUM AN MAN

Aizawl Customs Division-a Anti-Smuggling Unit te chuan an thudawn bawhzuiin nimin (08.02.2017) chawhnu dar 3 PM vel khan Aizawl atanga Guwahati pan tur Network Travels chu Phunchawngah tidingin an dap a, hetah hian Rangkachak grams 10638.940 (Biscuit) a rit, a hlut zawng Rs. 3,12,62,706 chu an man a ni. Heng rangkachak an man te hi a bik taka siam danglam trolly bag chhungah hmuh a ni.

Rangkachak tawlhruk kaihnawihah hian Ginlammang (48) s/o Sawnkhanthang (L), R/O Tahan, B-Group, Sagaing Division Myanmar, seat No. 31 luahtu chu man a ni a. Custom Seizure Case No. 06/CL/lMP/CUS/AS-AlZ/2016-17 dated 08.02.2017 angin thubuai ziahluh a ni. He thila mawhphurtu ber hre turin chak taka bawhzui mek a ni.