Nimin leh vawiin khan Lawngtlai AH & Vety hnuaia vawk vulh (piggery trade) thlangtu 3rd & 4th Phase NLUP beneficiary chhungkaw 32 hnenah vawkte 97 sem chhuah a ni.

NLUP 3rd & 4th Phase atan hian tualchhung (district chhung)-a thar chhuah ngei vawkte sem thin a ni a. Nikum November ni 7 atang khan sem tan niin, vawi khata tam tham deuh hleka sem tur a awm thin loh avangin, vawkte sem tur awm ang zela a tahtawla sem thin a ni.

NLUP atan tualchhung thar vawkte sem a nih tak avang hian AH & Vety Department chuan NLUP atang leh mahni hma laknaa vawk vulhte hnen atangin vawkte pakhat cheng sangnga (5000) zelin an leisak thin a. Beneficiary thenkhat, an vawkte dawn tur aia mahni vawkte khul tate pawh an awm.

AH & Vety hnuaia NLUP 3rd & 4th Phase piggery trade-ah hian beneficiary 627 awmin, beneficiary pakhat tan vawkte pathum zel pek a ni a. Tun (9.2.2017) thleng hian beneficiary chhungkaw 300 hnenah vawkte 900 sem chhuah tawh a ni.