India sawrkarin pawisa note tel lova mipuiten mobile phone hmanga thil lei leh hralh theih na tur leh, hemi hmanga pawisa thawn nan cashless payment uar chhoh zel a tum avangin thil leitu leh sumdawng ten hemi chungchang an hriat chian theih nan February ni 14 leh 15 hian Millenium Centre Rooftop ah ‘Digidhan Mela’ buatsaih tum a ni a. Hemi chungchang lo thlir lawkna atan vawiin chawhnu dar 3 khan Chief Secretary Conference Hall ah Department of Information and Communication Technology (ICT) buatsaih meeting pawimawh tak neih a ni.

Digidhan Mela hi Union Minister for Science & Technology Dr.Harsh Vardhan, Union Minister of State for Home Affairs Shri Kiren Rijiju , leh Niti Aayog Adviser in an rawn hmanpui dawn a . He Mela ah hian stall hrang hrang hawn tum niin PAN Card, Aadhaar Card leh Bank Account-te awlsam taka hawn theih ani dawn a ni. Digidhan Mela hmanna ah hian Slogan Siam, Poster siam leh Jingle siam ah te inelna neih niin lawmman siam ani bawk ang.

Meeting hi Chief Secretary Pu Lalmalsawma in kaihruaiin ICT Department, Science & Technology Department leh Department kaihhnawih dangte an tel kim hle a ni.