4184/2025-2026

Aizawl; the 28th January, 2025: Vawiin khan DC Pisapui Hall-ah Aizawl DC office bultumin District Agriculture Marketing Committee (DAMC),Aizawl District member te tan Sensitization  Training buatsaih a ni a.Training hi DAMC Deputy Chairman leh Addl.DC ni bawk Pu Zoramsiama Hmar chuan kaihruaiin, DAMC chairman leh district bawrhsap ni bawk Er.Lalhriatpuia pawhin training hi a telpuiin, traing hawnna thuchah a sawi bawk.

DAMC Chairman Er.Lalhriatpuia chuan nikum lama sawhthing kan hralh tawhna atangin experience kan lo nei tawh a, nikum lama thil felhlel deuh leh buarchuar deuh a awm te a ni chuan, chutiang pumpelh dan leh felfai zawka tih dan kan thiam tawh dawn a. kuminah chuan nikum lama aia felfai zawk leh tha zawka Sawhthing hralh hi kalpui thei tura beisei kan ni a.Chutiang tur chuan ruahmanna felfai tak pawh siam niin, Secondary Collection Centre (SCC)-a Supervisor, Assistant Superviser te tan leh DAMC member te tan Standard Operating Procedure( SOP) pawh peihfel vek tawh a ni. Bana Kaih ( Hand holding) Scheme hnuaia Sawhthing hralh hi Sawrkar flagship programme a nih angin, sawhthing hralh season-ah chuan sawhthing hralh buaipuitu official te tan chuan Sawhthing hralh buaipui tluka hna pawimawh a awm lo a ni, a ti. Aizawl district hi Mizoram district zinga lian ber a ni a, Mizoram population 30% awmna kan ni a, District dang te entawn tura kan tawh that a ngai. Buying Season hi 2^nd February, 2026 atangin a in tan leh tawh mai dawn a, DAMC Aizawl district pawhin kan District chhunga sawhthing hralh hi felfai tak leh tha taka kan kalpui a ngai a. Kan kuthnatawktute sum lakluh( Income) a pun hian India ramin kum 2047 ral hmaa ram changkang(developed country) dinhmuna inhlankai tuma a hmalakna Vikshit Bharat( Developed India) @2047 lam hawia ke kan penna chi khat a ni tih i hre reng ang u, tiin DAMC member te a hrilh.

Vawiin training-ah hian Bana Kaih(Hand holding) Scheme-a official Pu Lalfakzuala,CEO leh Pi Christina Vanlalhriatpuii, MTS ten Power Point Presentation hmangin DAMC member te zirtirna an pe a. Pu Faka chuan Standard Operating Procedure(SOP) for DAMC member thupui hmangin zirtirna a pe a. Pi Hriatpuii'n Portal Demonstration tih thupuia hmangin zirtirna a nei bawk. Niminah khan Secondary Collection Centre (SCC)-a Supervisor leh Assistant Superviser te tan Sensitization training hi buatsaih a lo ni tawh bawk.

Nikumah khan Aizawl district chhungah Secondary Collection Centre (SCC) 5 a awm a, kuminah chuan SCC 6(Aizawk, Chamring, Ratu,East PhailengThingsultliah leh Tuirial) din a ni a. Nikuma Aizawl district atanga Sawhthing hralhchhuah zat chu 21236.75 Quintals niin, cheng nuai ₹998.9 man a ni. Kuminah hian nikum aia quintal 3000 vela hralhchhuah tam beisei a ni.