4185/2025-2026

Dated Serchhip, the 28th January, 2026: Vawiin khan Serchhip District NCORD chu an Chairman Pu Paul L. Khuma leh SP Pu Gavit Gogna hoin DC Meeting Hall ah an thukhawm a. NCORD meeting hmasaa thurel bawhzuina te thlir letin, hmachhawp te an sawiho a ni.

Vawiiin meeting ah hian Standard Operating System (SOP) for Declaration of Drug Free Village ruahman chhin (draft) chu pharh niin sawihona hun an hmang a. He SOP in a tum ber chu- Drugs dona kawngah pawl hrang hrang te tha tichak tur leh sawt zawka ke an pen theih nan Drug Free Village siam tum a ni a. He SOP hi kenkawh a nih hunah chuan Mizorama khua leh veng zawng zawng ten an kalpui dawn a ni.

District level NCORD meeting vawi 20 na leh kumin atana a vawi 10- na ah hian report hrang hrang ngaihthlak a ni a. Meeting leh meeting inkarah ruihhlo (narcotics) kaihhnawhah Excise & Narcotics chuan mi 6 an man a; Heroine- 260.87 grams leh Ganja- 133.85 grams an man bawk a ni. Police Department leh Excise & Narcotics Department lamin School leh College hrang hrangah Drug awareness campaign an nei bawk.

Serchhip District Narco Coordination (NCORD) meeting hi thla tin neih thin a ni a. Police leh Excise Department te, Health Department Department hnuaia Food and Drug Administration te, Serchhip Sub Headquarters YMA hruaitute leh mi pawimawh dang te member an ni.