Vawiin khan Dr. Lalhriatpuii Ralte, Deputy District Election Officer kaihhruainain DC Conference Hall-ah Aizawl District-a Assistant Returning Officer (ARO) leh Block Development Officer (BDO) te hnenah  Mobile Van hmanga Election Awareness Campaign nei turin leh EVM leh VVPAT Hands on Demonstration neih pui an ni. 

ARO 14 leh BDO 5 te hian vawiin tlai atang hian Aizawl District-a Polling Station tlawhin, hmun lun laiah mipuiin EVM leh VVPAT an hman theihna turah Mobile Van dinpui a ni ang a. Mipuite’n vote an thlak hnem theih hi Election Commission duh dan leh mipui te mawhphurhna anih avangin, hetiang kawnga inhrilh hriatna hun atan hman tel a ni bawk ang. Mobile Ani 15th September, 2018  thlenga kalpui tura ruahmanna siam a ni.

He hunah hian Dr. Dr. Lalhriatpuii Ralte chuan EVM leh VVPAT chungchang sawiin, MLA Election, 2018 atana Election Commission in a ngaih pawimawh em em chu Vohbikte’n (Persons with Disabilities) vote an thlak theihna tura ruahmanna siam a nih avangin, ARO leh BDO te pawhin a theih anga tan la turin leh a pawimawhna thehdarh turin a ngen a ni. Pu Lalfakzuala, Election Officer chuan EVM leh VVPAT hmandan a sawifiah bawk a ni. 

SVEEP (Systematic Voters’ Education & Electoral Participation) chuan Aizawl District chhunga Vohbikte Icon atan. Nl. R. Vanrammawii, Armed Veng a ruat bawk a ni.