3699/2024-2025

Aizawl, 07.01.2025: Vawiin khan Aizawl DC Er. Lalhriatpuia hovin DC Conference Hall-ah kumin Republic Day hman dan tur ruahmanna siamin mawhphurhna changtu Department hrang hrang aiawhte kalin an thukhawm.

Kumin Republic Day lawmna hi Aizawl chuan AR Ground a neih tura ruahman niin, khuallian ah Governor Pu V. K. Singh a ni ang. AR Ground programme hi zing dar 8 a tan tura ruahman a ni.

Vawiin meeting-ah hian Republic Day lawmna atana mawhphurhna hrang hrang leh a mawhphurtu tur department te rel fel a ni a. Ruahmanna te a hmun a enfiah a thli thlai zui turin SP Aizawl kaihhruai Technical Committee din a ni bawk.

A.R. Ground a Republic Day lawmna neih zawh hian sawm bikte tan Raj Bhavan ah "Governors' At Home" programme buatsaih tura ruahman leh a ni bawk.