2733/2026-2027

Dated:Aizawl the 19th of October, 2026: Vawiin khan DC Conference Room, Aizawl DC-ah Er Lalhriatpuia, Deputy Commissioner, Aizawl district hoin 21st October,2026 - 31st December, 2026 chhunga kalpui tur “Saturation campaign of Financial Inclusion Schemes” kalpui dan tur sawi ho a ni a. He campaign khuhhawnna (kick-off) hi Aibawk-ah 21st October, 2026 hian neih tur a ni ang.

Er. Lalhriatpuia chuan Sawrkarlaipuiin a tum Viksit Bharat 2047- India ram changkang zawka(developed country) hlankai kawngah theihtawpin hma a la meka, ram hmasawnna atana hmalakna pawimawh tak financial inclusion schemes(sum leh pai lama mi tin huap)hrang hrang State leh district level-a kalpui a ni thei tur chu lawmawm a tih thu a sawi a. Financial inclusion schemes tam tak hi thingtlangah hre lo an thahnem hle a, he campaign kaltlangin an hamthatna dawn theihte an hriata tangkai taka hmasawnna atan an hman a beisei thu a sawi. Er Lalhriatpuia chuan campaign hlawhtling tur chuan department dangte nen thawhho a tula, bank te nen theihtawp chhuaha he campaign hlawtling taka nei turin thutkhawmnaa kalte chu a chah a ni.

He campaign hi Ministry of Finance,Government of India bultum niin a tum ber chu financial inclusion schemes hrang hrang- PMJDY, PMJJBY, PMSBY leh APY chu Village level leh Urban Local Body tina a thlen hi a ni a. Mizoram-ah pawh district tinah huntiam chhunga kalpui tur a ni ang.